ضلع شراوستی کے ہیڈکوارٹر بھنگا میں آج غریب، مزدور، مسافر و اسپتال میں زیرِ علاج مریضوں کے درمیان سماجوادی پارٹی کے کارکنان نے کھانے کا پیکٹ تقسیم کیا۔
سماجوادی پارٹی شراوستی کے ضلع صدر جتیندر یادو اور یوجن سبھا کے ضلع صدر ڈاکٹر اقبال احمد منصوری کی قیادت سماجوای کارکنا نے عہد کیا ہے کہ ضلع میں کوئی شخص بھوکا نہ رہے اور ضلع میں کہیں بھی کسی کے بھوکے رہنے کی اطلاع پر انہیں سماجوادی کارکنان کھانا پہنچانے کا کام کریں گے۔
ضلع صدر نے بتایا کہ کورونا وائرس کے سبب لاک ڈاؤن کی وجہ سے آج غریب مزدور اور روز روٹی کمانے والے افراد کے گھروں میں فاقہ کشی کا عالم ہے۔ ایسے میں سماجوادی پارٹی کے قومی صدر اکھلیش یادو کی ہدایت کے مطابق ہم سماجوادی پارٹی کے سبھی کارکنان نے یہ عہد کیا ہے کہ جب تک لاک ڈاؤن عائد رہے گا ہم لوگ ضلع میں غریبوں کو کھانا کھلانے کا کام کریں گے۔ ضلع میں کوئی بھوکا نہ رہے یہ ہمارا قرارداد ہے۔
انہوں نے کہا کہ ان کے اس کام میں سماجوادی یوجن سبھا کے ضلع صدر ڈاکٹر اقبال احمد منصوری نے کافی تعاون کیا ہے۔
اس موقع پر فیض اقبال، جاوید انصاری کے علاوہ ضلع کے تمام کارکنوں نے شرکت کی۔
