ریاست اترپردیش کے ضلع بارہ بنکی میں بیک وقت پانچ کورونا مریض کی تشخیص کے بعد انتظامیہ اور مقامی لوگوں میں ہلچل مچ گئی ہے۔
انتظامیہ نے ان تمام مریضوں کی کاروائی طے پروٹوکال کے مطابق مکمل کر دی ہے اور عوام سے پریشان نہ ہونے کی اپیل کی ہے۔
یاد رہے کہ کرونا وائرس کے یہ پانچوں مریض بیرون ریاست سے واپس لوٹے ہیں۔
ضلع مجسٹریٹ ڈاکٹر آدرش سنگھ اپنے ٹویٹر ہینڈل اور واٹس ایپ کے ذریعہ اطلاع دی ہے کہ ضلع میں کووڈ-19 کے پانچ نئے مریض سامنے آئے ہیں۔
ان میں سے تین مریض حیدرگڑھ کوتوالی حلقے کے ہیں، جبکہ ایک صبیحہ اور ایک جہانگیرآباد تھانہ حلقے کا ہے۔
یہ تمام متاثرین اسی ماہ بیرون ریاست سے واپس لوٹے ہیں۔ ان میں سے دو مریض مہاراشٹر کے دارالحکومت ممبئی سےواپس لوٹے ہیں. جبکہ 3 مریض گجرات سے واپس آئے ہیں۔
قابل غور ہے کہ ان تمام مریضوں کے واپس آنے پر انہیں انتظامیہ نے انسٹیٹیوشنل قرنطینہ میں رکھا تھا۔ ان تمام افراد کا نمونہ میڈکل ٹیسٹ کے لئے 8 مئی کو بھیجا گیا تھا۔10 مئی کی دیر شام ان پانچ افراد کی رپورٹ مثبت آئی۔
