اترپردیش کے ضلع مئو میں کووڈ 19 ٹیکہ کاری کے چوتھے مرحلے کے تحت محکمہ صحت کے بقیہ ملازمین کی ٹیکہ کاری کی جارہی ہے۔ اب تک ضلع میں محکمہ صحت کے 1187 ملازمین میں سے تقریبا 72 فیصد کی ٹیکہ کاری کی جا چکی ہے۔
ٹیکہ کاری پروگرام کے دوران کووڈ 19 کی گائیڈ لائن کی مکمل پابندی کی جارہی ہے۔ مئو ضلع کے چیف میڈیکل آفیسر کے مطابق ہیلتھ ورکروں کی ٹیکہ کاری مکمل ہونے کے بعد پولس اور انتظامیہ سمیت فرنٹ لائن محکموں کے ملازمین کی ٹیکہ کاری کی جائےگی اور یہ مہم بھی بہت جلد شروع کی جائے گی۔
انھوں نے کہا کہ آج کے ٹیکہ کاری پروگرام میں زیادہ تر آشا و آنگن باڑی محکمہ کی ملازمات شامل رہیں۔ مئو ضلع میں کووڈ 19 ٹیکہ کاری پروگرام کے دوران منفی اثر کا کوئی بھی معاملہ سامنے نہیں آیا ہے۔ کووڈ ویکسین لگوانے والے افراد کو تقریبا تیس منٹ کے بعد کووڈ وکسینیشن سینٹر سے جانے کی اجازت دی جاتی ہے۔
