ریاست اترپردیش کے ضلع بارہ بنکی میں بائیں محاذ کی کسان تنظیم آل انڈیا کسان سبھا نے آوارہ جانوروں کے خلاف احتجاج شروع کر دیا ہے۔
کسان تنظیم 'آل انڈیا کسان سبھا' کے کارکنان نے بارہ بنکی میں گھومنے والے آوارہ جانوروں کے خلاف غیر معینہ مظاہرہ شروع کیا ہے، جس میں ہر روز الگ الگ پانچ افراد ایک دن کی بھوک ہڑتال پر رہیں گے۔
اس دوران کسانوں نے نعرہ لگایا کہ 'سانڈ چر رہے ہیں کھیت، مودی بیچ رہے ہیں دیش'
آل انڈیا کسان سبھا نے انتباہ دیا ہے کہ جب تک ان کے مطالبات پر غور نہیں کیا جاتا ان کا مظاہرہ جاری رہے گا۔
بارہ بنکی کے گاندھی بھون میں مظاہرے پر بیٹھے آل انڈیا کسان مہا سبھا کے کارکنان کا الزام ہے کہ گاؤں میں ان دنوں آوارہ جانوروں کی تعداد بہت زیادہ ہے، ان میں سب سے زیادہ پریشانی سانڈھوں سے ہے۔
الزام ہے کہ سانڈھ نہ صرف ان کی فصلوں کا نقصان کرتے ہیں بلکہ ان پر حملے بھی کرتے ہیں۔ جس کی وجہ سے متعدد افراد ہلاک تک ہو چکے ہیں، اس کے باوجود حکومت سانڈھوں کا کوئی انتظام نہیں کر رہی ہے۔
آل انڈیا کسان مہا سبھا نے اس مسئلہ کو لےکر غیر معینہ مظاہرہ شروع کیا ہے اور یہ تب تک جاری رہے جب تک کوئی حل نہیں نکالا جاتا۔
