وزیر اعلی یوگی آدتیہ ناتھ نے بدھ کو یہاں جاری اپنے بیان میں بریلی زون کے اے ڈی جی کو بھی حادثہ کے سلسلہ میں رپورٹ پیش کرنے کی ہدایت دی ہے۔ وزیر اعلیٰ نے یو پی ایس ٹی ایف کو ہدایت دی ہے کہ وہ اس معاملے کی تفتیش میں تعاون پیش کرے۔
قابل ذکر ہے کہ اترپردیش کے ضلع بدایوں میں اتوار کی رات ایک 50 سالہ خاتون کے ساتھ اجتماعی جنسی زیادتی کے بعد قتل کر دیا گیا تھا۔ اس واقعہ میں ایک مندر کے پجاری سمیت 3 افراد کو ملزم بنایا گیا ہے جن میں سے پجاری کے علاوہ دو ملزمین کو پولیس نے گرفتار کر لیا ہے۔
وہیں دوسری جانب یوگی آدتیہ ناتھ نے غازی آباد کے مرادنگر شمشان گھاٹ پر پیش آئے واقعہ کی ایس آئی ٹی جانچ کا حکم دیا ہے۔ مرادنگر میں آخری رسوم کی ادائیگی کے دوران شمشان گھاٹ احاطے میں چھت اور دیوار منہدم ہوجانے سے 27 افراد ہلاک ہوئے تھے۔
یو این آئی
