اعظم خان اتر پردیش کے شہر رامپور سے تعلق رکھتے ہیں۔ 14 اگست 1948 میں ان کی پیدائش ہوئی۔ انہوں نے علی گڑھ مسلم یونیورسٹی میں قانون کی تعلیم حاصل کی۔ وہ سماج وادی پارٹی میں بنیاد گزار اراکین میں سے ہیں۔ رام پور اسمبلی حلقے سے سات بار ممبر اسمبلی جبکہ کی ایک بار راج سبھا کے رکن اور موجودہ وقت میں رامپور پارلیمانی حلقہ سے رکن پارلیمان ہیں و مولانا محمد علی جوہر یونیورسٹی کے چانسلر ہیں۔
اس موقع پر ای ٹی وی کے نمائندے نے معروف کالم نویس و سابق اسٹیٹ انفارمیشن کمشنر سید حیدر عباس سے خاص بات چیت کی جنہوں نے اعظم خان کے حوالے سے کئی مضامین تحریر کیے اور ان کی سیاسی زندگی کو قریب سے دیکھا ہے۔
حیدر عباس نے ای ٹی وی بھارت سے بات کرتے ہوئے بتایا کہ 'اعظم خان کی سیاست اتر پردیش میں منفرد نوعیت کی ہوتی ہے۔ اعظم خان اتر پردیش میں اقلیتوں کی آواز ہیں۔ انہوں نے مسلمانوں کے مسائل پر کبھی سمجھوتہ نہیں کیا۔ موجودہ وقت میں سیاسی سازش کے شکار ہیں جس کی وجہ سے ان پر متعدد بے بنیاد مقدمات درج کیے گئے اور اسی کی وجہ سے وہ جیل کی قید و بند کی مشکلات میں ہیں۔ ان کی یونیورسٹی بھی سیاسی جماعتوں کی نظر میں ہے'۔
یہ بھی پڑھیں: فلموں کی اسکرپٹ پر توجہ دینے کی ضرورت: رضا مراد
اعظم خان سیاسی جلسوں یا ایوان میں اپنے خطاب کی وجہ سے منفرد مقام رکھتے ہیں۔ یہی وجہ ہے کہ اعظم خان اپنی تقریر کی وجہ سے سرخیوں میں رہے اور مشکلات کا بھی سامنا کرنا پڑا۔
