ریاست مغربی بنگال اس وقت ہائی الرٹ پر ہے۔ اس کے علاوہ خلیج بنگال سے متصل اضلاع جنوبی 24 پرگنہ، شمالی 24 پرگنہ اور مشرقی مدنی پور میں ریڈ الرٹ جاری کر دیا گیا ہے۔ ریاستی حکومت کی ہدایت کے بعد طوفان کے پیش نظر ریاست کے بیشتر اضلاع میں سڑک کے کنارے بڑے درختوں کی ٹہنوں کی کٹائی کا سلسلہ جاری ہے۔
جنوبی 24 پرگنہ اور شمالی 24 پرگنہ کے تمام علاقوں سے بینر بورڈز کو بھی ہٹانے کا کام جاری ہے۔ ویسٹ بنگال سیول ڈیفنس کے اہلکار نے نام نہ بتانے کی شرط پر کہاکہ طوفان کے دوران ان درختوں کے اکھڑ جانے کا خدشہ رہتا ہے اور رہائشی مکانات پر گرنے کا خطرہ بنا رہتا ہے۔ اس سے جانی و مالی نقصان اندیشہ ہے اسی لیے ان درختوں کی ٹہنیوں کو کاٹا جارہا ہے'۔
انہوں نے کہاکہ اسی کے مدنظر طوفان کے آنے سے چھ گھنٹہ قبل سڑک کے کنارے درختوں کی ٹہنیوں کو کاٹنے اور بل بورڈز کو ہٹانے کا کام مکمل کر لینا ہے۔دوسری طرف گزشتہ کل سے ہی یاس طوفان کی پیشن گوئی کے مدنظر شمالی 24 پرگنہ اور جنوبی 24 پرگنہ کے ساحلی علاقوں میں آباد باشندوں کو محفوظ مقامات پر منتقل کرنے کا کام جنگی پیمانے پر جاری ہے۔'
ذرائع کے مطابق خلیج بنگال میں ہواؤں کا دباؤ بننے کے سبب سے یاس طوفان آئندہ 26 مئی کی صبح مغربی بنگال کے ساحلی اضلاع سے ٹکرانے سکتی ہے۔'
واضح رہے کہ گزشتہ برس 2020 میں امپھان طوفان سے سمندر سے متصل اضلاع میں بھیانک تباہی ہوئی تھی جس میں درجنوں لوگوں کی موت ہوئی تھی۔ سینکڑوں مکانات منہدم ہو گئے تھے۔امپھان طوفان سے اتنی بھیانک تباہی مچی تھی کہ جنوبی 24 پرگنہ اور شمالی 24 پرگنہ کے باشندوں کے دل و دماغ پر اس کی یادیں آج بھی تازہ ہے۔
