مغربی بنگال کے دارالحکومت کولکاتا کے شمال میں واقع آر جی کر میڈیکل کالج اینڈ ہسپتال کے ایک سینئر ڈاکٹر کی کورونا کے سبب موت ہو گئی۔
فوت ہونے والے ڈاکٹر کی شناخت چھتردھر منڈی کے طور پر ہوئی ہے جو آر جی کر میڈیکل کالج اینڈ ہسپتال کے مائیکرولوجی ڈیپارٹمنٹ میں ڈیمنسٹریشن کے سربراہ تھے۔
ڈاکٹر چھتردھر منڈی کو چند روز قبل بخار اور سانس لینے میں تکلیف کی شکایت کے بعد ہسپتال میں داخل کرایا گیا جہاں انکی کورونا ٹیسٹ مثبت پائی گئی۔
کورونا مثبت پائے جانے کے بعد ڈاکٹر کو آر جی کر میڈیکل کالج اینڈ ہسپتال کے آئی سی یو میں منتقل کیا گیا تھا، جہاں سے صحتیاب ہونے کے بعد انہیں ہسپتال سے چھٹی مل گئی تھی۔ تاہم وہ اپنے گھر میں ہی قرنطینہ کے دوران فوت ہو گئے۔
ان کی موت کی وجہ کورونا وائرس بتائی گئی ہے۔
ویسٹ بنگال ڈاکٹرز فورم نے ڈاکٹر چتھر دھر منڈی کی موت پر تعزیت پیش کرتے ہوئے افسوس کا اظہار کیا۔
فورم کے مطابق ریاست مغربی بنگال میں کورونا وائرس کے سبب اب تک 90 ڈاکٹروں کی موت ہو چکی ہے۔
واضح رہے کہ مغربی بنگال میں کورونا وائرس کے مریضوں کی تعداد پانچ لاکھ 62 ہزار 794 تک پہنچ گئی ہے جبکہ دس ہزار کے قریب افراد اس بیماری سے فوت ہو چکے ہیں۔
