مغربی بنگال کی حکمراں جماعت ترنمول کانگریس کی پریشانیاں کم ہونے کا نام نہیں لے رہی ہے۔
ابھی شھبندو ادھکاری,مہیر گوسوامی اور رابندر ناتھ کے معاملے حل بھی نہیں ہوئے تھے کہ رکن اسمبلی بیچارام منا کے استعفی دینے کی خبریں سرخیوں میں ہے۔
خبر ہے کہ رکن اسمبلی بیچا رام منا رابندر ناتھ بھٹاچاریہ کے بہت قریب۔ اسی وجہ سے بیچارام ترنمول کانگریس سے الگ ہونے کا فیصلہ کیا۔
ذرائع کے مطابق بیچارام منا اس قدر ناراض ہوئے کہ انہوں نے کسی کی ایک نہ سنی اور اپنا استعفی اسپیکر بمان بنرجی کو بھیج دیا۔
اسپیکر بمان بنرجی نے رکن اسمبلی بیچا رام منا کے استعفی دینے کی بات سے انکار کر دیا ہے۔
حالانکہ رکن اسمبلی بیچا رام منا سے رابطہ کرنے کی ہر ممکن کوشش کی گئی لیکن ناکامی ہاتھ لگی۔ ای ٹی وی بنگلا کے مطابق دیگر رکن اسمبلی سے ملاقات کے بعد انہوں نے پارٹی نہ چھوڑ نے کا فیصلہ کیا ہے۔
رکن اسمبلی بیچارام منا کی جانب سے اب تک کوئی بیان جاری نہیں کیا ہے۔
واضح رہے کہ مغربی بنگال میں اگلے برس اسمبلی انتخابات ہونے والے ہیں۔ تمام اپوزیشن پارٹیوں کی تیاری جاری ہے.
حکمراں جماعت ترنمول کانگریس اسمبلی انتخابات کی تیاری شروع تو کر دی ہے لیکن وہ تیاری سے زیادہ ناراض ارکان اسمبلی کو منانے میں مصروف ہے۔
