مغربی بنگال: عوام کی ترقی ہماری اولین ترجیحات میں شامل: کابینی وزیر

مغربی بنگال کے کابینی وزیر جاوید احمد خان نے کہا کہ عوام کو مسائل سے نجات دلانا اور ان کی ترقی ہماری اولین ترجیحات میں شامل ہیں۔

ملک کی تمام ریاستوں کی طرح مغربی بنگال میں بھی 75واں یوم آزادی کا جشن جوش و خروش کے ساتھ منایا گیا۔ ریاستی وزیر جاوید احمد خان نے کہا کہ مغربی بنگال کے عوام کو مسائل سے نجات دلانا اور ان کی ترقی ہماری اولین ترجیحات میں شامل ہیں۔ بھارت کی 75ویں یوم آزادی کے موقع پر مسلم اکثریتی تجارتی علاقہ توپسیا میں واقع توپسیا فٹبال گراؤنڈ میں ریاستی وزیر جاوید احمد خان نے قومی پرچم کشائی کے بعد بچوں کے درمیان ترنگے اور مٹھائیاں تقسیم کی۔

اس موقع پر ریاستی وزیر جاوید احمد خان نے نامہ نگاروں سے گفتگو کرتے ہوئے کہا کہ مغربی بنگال کے عوام کو مسائل سے نجات دلانا اور ان کی ترقی ہماری اولین ترجیحات میں شامل ہے۔ انہوں نے کہا کہ آزادی کے موقع پر آزادی کی بات کرنی چاہئے۔ اس سے سماج میں مثبت پیغام جاتا ہے، اس کے لیے تمام لوگوں کو یکساں کوشش کرنے کی ضرورت ہے۔ مثبت پیغام سماج کی ترقی میں اہم رول ادا کرتا ہے۔ ریاستی وزیر کا کہنا ہے کہ مغربی بنگال کی وزیراعلیٰ ممتا بنرجی نے ریاست کو سجانے سنوارنے کی جو ذمہ داری اٹھائی ہے اس سے عام لوگوں کو بہت فائدہ ہوگا۔