ترنمول کانگریس کے سنئیر رہنما فرہاد حکیم سبرتو مکھرجی اور مدن مترا کی گرفتاری کے بعد وزیر اعلی ممتا بنرجی سی بی آئی دفتر نظام پیلیس پہنچ گئیں۔
سی بی آئی کے دفتر میں وزیر اعلی ممتا بنرجی تقریبا چھ گھنٹے تک رکی رہیں۔شام 5 بجے کے بعد جب وہ نظام پیلیس سی بی آئی دفےر سے نکلی تو انہون نے کہا کہ ترنمول کانگریس کے وزراء اعر رکن اسمبلی کا معاملہ عدالت میں ہے اب عدالت ہی اس سلسلے میں فیصلہ کرے گی۔
ناردا معاملے میں سی بی آئی نے آج صبح ترنمول کانگریس کے تین رہنماؤں فرہاد حکیم، سبرتو مکھرجی اور مدن مترا کے علاوہ بی جے پی کے رہنما سوبھن چٹرجی کو گرفتار کیا تھا۔
وزیر اعلی ممتا بنرجی اپنے پارٹی کے رہنماؤں کی گرفتاری کے بعد ہی احتجاج کرنے سی بی آئی دفتر نظام پیلیس پہنچ گئیں تھی۔نظام پیلیس سے نکلنے کے بعد نبنو طلی گئیں۔انہوں نے اس موقع پر واضح کر دیا کہ ان گرفتار رہنماؤں کے متعلق جو فیصلہ ہوگا وہ عدالت کرے گی۔اس سے قبل ان کہنا تھا کہ غیر آئینی طور پر ان وزراء کو گرفتار کیا گیا ہے۔کولکاتا کے بنگشال عدالت میں چاروں ملزمین کو ورچول سنوائی کے ذریعے پیش کیا گیا ہے ۔سی بی آئی نے چاروں ملزمین کے خلاف چارج شیٹ داخل کر دیا ہے۔
