امیت شاہ کی بنگال آمد پر کولکاتا میں احتجاج

بی جے پی کے سنئیر رہنما اور مرکزی وزیر داخلہ امیت شاہ ایک بار پھر بنگال کے دورے پر آنے والے ہیں۔ آئندہ 19دسمبر کو امیت شاہ بنگال پہنچ رہے ہیں اور اسی دن وہ مدناپور جائیں گے۔امیت شاہ کے ممکنہ دورے کے خلاف کولکاتا میں مختلف تنظیموں کی جانب سے خصوصی طور پر سی اے اے این آر سی مخالف تنظیموں نے پورے شہر میں احتجاج و مظاہرہ کرنے کا اعلان کیا ہے۔

مرکزی وزیر داخلہ امیت شاہ آئندہ 18 دسمبر کو ایک بار پھر بنگال کے دورے پر آنے والے ہیں۔ بنگال میں ہونے والے اسمبلی انتخابات کے مد نظر بی جے پی نے جنگی پیمانے پر تیاری شروع کر دی ہے۔یہی وجہ ہے کہ امیت شاہ اور دوسرے مرکزی رہنما مسلسل بنگال کے دورے پر آ رہے ہیں۔

چند روز قبل ہی بی جے پی کے قومی صدر جے پی نڈا بھی بنگال دورے پر تھے۔گذشتہ ماہ امیت شاہ بھی بنگال کے دورے پر آئے تھے۔ امیت شاہ کے بنگال دورے کو بی جے پی کی انتخابی تیاری کے طور پر دیکھا جا رہا ہے۔وہیں ریاست میں ایک بار پھر سے سی اے اے این آر سی مخالف تحریک شروع ہو چکی ہے۔

مختلف حقوق انسانی اور سماجی تنظیمیں سی اے اے این آر سی مخالف تحریک میں سرگرم ہو چکی ہیں۔جماعت اسلامی نے گزشتہ جمعہ کو این آر سی، سی اے اے مخالف احتجاجی ریلی نکالی تو وہیں جوائنٹ فورم اگینسٹ این آر سی نے بھی احتجاجی جلسہ منعقد کیا۔ مرکزی وزیر داخلہ امیت شاہ آئندہ 19 دسمبر کو ایک بار پھر کولکاتا پہنچ رہے ہیں جہاں سے وہ اسی دن مدناپور روانہ ہوں گے۔

امیت شاہ کے کولکاتا آمد پر مختلف حقوق انسانی اور سی اے اے این آر سی کو مخالف تنظیموں کی طرف سے کولکاتا میں احتجاجی ریلی و مظاہرہ کرنے کا اعلان کیا ہے۔یہ ریلی کولکاتا کے رام لیلا میدان سے نکالی جائے گی۔اس ریلی میں سی اے اے این آر سی کے علاوہ متنازعہ زرعی قوانین بھی اہم موضوع ہوگا۔