اسمبلی انتخابات کی مہم کے دوران ممتا بنرجی کے خلاف سخت تبصرے کے بعد وزیرا عظم مودی نے کہا کہ 'بنگال میں ترنمول کانگریس اور ممتا بنرجی کی جیت پر مبارک باد پیش کرتا ہوں'۔
انہوں نے کہا کہ 'مرکزی حکومت بنگال کی ترقی کے لئے ہر ممکن مدد کرے گی اور کورونا پر قابو پانے میں ریاست کے ساتھ مل کر کام کرے گی۔
خیال رہے کہ ممتا بنرجی کے خلاف سخت تبصرے کرنے کی وجہ سے وزیر اعظم مودی کی تنقید بھی کی جارہی تھی۔ تاہم انتخابات کے نتائج کے بعد وزیر اعظم نے روایات کے مطابق مبارک باد پیش کی ہے۔
وزیر اعظم مودی کے علاوہ مرکزی وزیر دفاع راجناتھ سنگھ، این سی پی کے سربرہ شرد پوار، دہلی کے وزیر اعلیٰ اروند کیجریوال اور دیگر رہنماؤں نے ممتا بنرجی کو مبارکباد پیش کی ہے۔
