سی اے اے اور دیگر تحریک میں متحرک رہنے والے عالیہ یونیورسٹی کے طالب علم انیس خان کے قتل کے خلاف کولکاتا سمیت پوری ریاست میں اقلیتوں میں ممتا بنرجی کی حکومت کے تئیں ناراضگی پائی جا رہی ہے۔ اس دوران شمالی 24 پرگنہ پہنچے ریاستی وزیر فرہاد حکیم سے ای ٹی وی بھارت کے نمائندہ نے انیس خان کے قتل پر سوال کیا تو انہوں نے خاموشی اختیار کرلی۔ Firhad Hakeem on Anis Khan Murder Case
ریاستی وزیر فرہاد حکیم نے بی جے پی کے رکن پارلیمان ارجن سنگھ کو بلدیاتی انتخابات کے دوران ای وی ایم توڑوا نے کی دھمکی دینے پر جم کر تنقید اور چیلنج کرتے ہوئے کہا کہ ہمت ہے تو توڑ کر دیکھائیے۔
مغربی بنگال میں 27 فروری کو ریاست کے 108 میونسپلٹیوں کے لئے ہونے والے بلدیاتی انتخابات میں کچھ ہی گھنٹے باقی رہ گئے ہیں۔ اس دوران حکمراں جماعت ترنمول کانگریس اور اپوزیشن پارٹیوں کے رہنماؤں کے درمیان لفظی بحث جاری ہے۔
وزیر فرہاد حکیم نے کہا کہ بی جے پی کے رکن پارلیمان ارجن سنگھ کو توڑ پھوڑ، غنڈہ گردی کے علاوہ کچھ اور نہیں آتا ہے۔ وہ اس کے علاوہ کچھ کرنا بھی نہیں چاہتے ہیں۔ اگر انتخابات کے دوران کوئی غلط کام کرتا ہے الیکشن کمیشن قانون کے مطابق کارروائی کرے گا۔
مزید پڑھیں:
معلوم ہوکہ عالیہ یونیورسٹی کے طالب علم انیس خان کا قتل گزشتہ دنوں کر دیا گیا تھا۔ جس کے بعد کولکاتا میں طلبا تنظیموں نے احتجاج کیا۔ اس معاملے میں پولیس نے کئی ملزموں کو گرفتار کر جیل بھیج دیا ہے۔
کولکاتا ہائی کورٹ نے انیس خان کے قتل کے معاملے کی سماعت کرتے ہوئے دو ہفتے میں ایس آئی ٹی جانچ کی رپورٹ جمع کرنے کا حکم دیا۔
