یہ واقعہ اتوار کی رات گارڈن ریچ علاقے میں پیش اآیا جس میں متعدد افراد زخمی ہوئے۔
اطلاعات کے مطابق یہاں جاری لاک ڈاؤن کے دوران یہ کارکنان امدادی اشیا کی تقسیم ک ررہے تھے کہ اسی دوران ترنمول کانگریس کے کارکنان کے دو گروپوں میں تصادم شروع ہو گیا اس دوران دونوں جانب سے پتھر بازی ہوئی اور دھماکہ خیز مادے پھینکے گئے۔
بتایا جا رہا ہے کہ گارڈن ریچ علاقے کے وارڈ نمبر 135 کے اختری شہزادی اور وارڈ نمبر 134 کے کونسلر شمس کی بہن صبا اقبال ضرورت مندوں کے درمیان ضروری راحت سامان تقسیم کررہی تھیں کہ اسی دوران دونوں گروپوں میں جھڑپ ہوگئی اور دونوں جانب سے بلا اشتعال بوتلیں اور اینٹیں پھینکی جانے لگیں جس کے نتیجے میں سات افراد زخمی ہوگئے۔
اس دوران کچھ شر پسند عناصر نے اآتشزدگی کی اور علاقے میں خوف وہراس کا ماحول پیدا کرنے کی کوشش کی۔
ایک پولیس افسر کے مطابق اس واقعے میں متعدد افراد زخمی ہوئے ہیں، جبکہ سات افراد کو گرفتار کیا گیا ہے'۔
وہیں ریاستی وزیر فرہاد حکیم نے کہا کہ قانونی طریقہ کار کو برائے کار لا کر ان سبھی کے خلاف کارروائی کی جائے گی۔
