خیال رہے کہ مجلس اتحاد المسلمین کے رکن اسمبلی قمرالہدی نے گذشتہ دنوں یہ کہ کر ریاست کی سیاست گرما دی ہے کہ وہ ایک دفعہ نہیں 100 دفعہ وندے ماترم کہنے کے لیے تیار ہیں۔
مجلس کے رکن اسمبلی کے اس بیان کے بعد سوشل میڈیا پر نہ صرف وہ بلکہ پارٹی کے ریاستی صدر اخترالایمان اور پارٹی سربراہ اسدالدین اویسی کو بھی ٹرول کیے جا رہے ہیں۔
اس سلسلے میں ای ٹی وی بھارت کے نمائندے نے ان سے بات چیت اور پوری تفصیل جاننے کی کوشش کی۔
اس موقعے پر انہوں نے کہا کہ'وندے ماترم پر زبردستی قبول نہیں ہم اپنی مرضی سے ایک دفعہ نہیں سو دفعہ وندے ماترم کہنے کے لیے تیار ہیں'۔
این آر سی پر رکن اسمبلی قمرالہدی نے کہا کہ کشن گنج ضلع میں ایک بھی غیر ملکی نہیں ہے۔ تمام بھارت کے باشندے ہیں۔ ہاں یہ ضرور ہے کہ کشن گنج میں آس پاس کے اضلاع سے آکر لوگ بسے ہیں لیکن ایک بھی بنگلہ دیشی یا غیر ملکی نہیں ہے یہ میں دعوے کے ساتھ کہ سکتا ہوں'۔
ایک سوال کے جواب میں کہا کہ 'آئندہ 8 سے 9 ماہ کے دوران عوام کی امید پر کھڑا اترنے کے لیے کس طرح کی تیاری ہے اور آپ کا روڈ میپ کیا ہے؟
اس پر انہوں نے کہا کہ ضلع میں بہت کچھ کرنے کی ضرورت ہے ان میں سب سے پہلے کھرکھری پل کی تعمیر اور دامال باڑی میں ہسپتال کا قیام اولین ترجیحات میں شامل ہے۔ مزید تعلیم کے میدران میں بہت کچھ کرنے کی ضرورت ہے۔
