ریاست اترپردیش میں پرتاپ گڑھ ضلع ہیڈکوارٹر سے ستّر کلو میٹر مسافت پر تھانہ ہتھگواں علاقے کے نیشنل ہائی وے پر اتوار کی علی الصبح سڑک حادثہ میں بس سے کچل جانے کے سبب دو خواتین مزدوروں کی موت ہو گئی۔
ایس ایچ او ادے ترپاٹھی نے بتایا کہ ایک بس بہار نوادا سے مزدوروں کو لے کر راجستھان جارہی تھی کہ ڈرائیور نے ضروریات سے فارغ ہونے کے لیے صبح تین بجے بس کو نیشنل ہائی وے پر شکل پور گاوں کے نزدیک روک دیا تھا۔
جس کے بعد مزدور ضروریات سے فارغ ہونے کے لیے بس سے اتر رہے تھے کہ پیچھے سے تیز رفتار سے آرہے ٹرک نے بس میں ٹکر ماردی جس کے سبب بس کے آگے بڑھنے کے سبب سامنے سے رفع حاجت کے لیے گزر رہی رینا دیوی اور اس کی ساس چمیلی دیوی اس کی زد میں آ گئی جس کی وجہ سے ان کی موت ہوگئی۔
دونوں خواتین بہار صوبہ کے شیر پور ضلع کی رہنے والی تھیں جو اسی بس سے مزدوری کے سلسلے میں راجستھان جارہی تھیں۔ ڈرائیور ٹرک چھوڑ کر فرار ہوگیا۔ ٹرک کو تحویل میں لے کر دونوں لاش کو پوسٹ مارٹم کے لیے ضلع اسپتال بھیج دیا گیا ہے۔
