پیپلز ڈیموکریٹک پارٹی PDP Press Conference نے مرکزی حکومت اور جموں کشمیر انتظامیہ کی جانب سے مختلف جاری بھرتیوں کے امیدواروں کے ساتھ مبینہ ناروا سلوک پر انہیں آڑے ہاتھوں لیتے ہوئے، اسے بی جے پی حکومت کی نوجوان مخالف پالیسی Anti-Youth Policy of the BJP Government قرار دیا۔
پیپلز ڈیموکریٹک پارٹی People's Democratic Party کے نائب یوتھ صدر ویریندر سنگھ سونو نے پارٹی ہیڈ کوارٹر گاندھی نگر میں پریس کانفرنس کے دوران کہا کہ جموں وکشمیر پولیس، سی آئی ایس ایف، بی ایس ایف کی سرحدی بٹالین کے ساتھ مختلف زمروں کے لیے جاری بھرتیوں کے خواہشمند امیدواروں کی بڑی تعداد کے ساتھ جو سلوک کیا جارہا ہے وہ بے حد افسوسناک اور باعث تشویش ہے۔
انہوں نے کہا کہ بیروزگار تعلیم یافتہ نوجوانوں کے تئیں مرکز مکمل طور پر لاتعلقی برت رہی ہے، کیونکہ اگست 2019 سے پہلے شروع کی گئی تمام بھرتیوں کو روک دیا گیا ہے اور امیدوار اس عمل کی تکمیل کے لیے سڑکوں پر احتجاج کر رہے ہیں۔
پی ڈی پی رہنما نے کہا کہ 'وہ امیدوار جنہوں نے پہلے ہی درخواست دی تھی اور جو انتخابی عمل سے گزرے تھے، ان کو دوبارہ تنظیمی قانون 2019 کے تحت جموں و کشمیر سے باہر کے امیدواروں کو سہولت فراہم کرنے کے لیے انہیں تین سال تک انتظار کرایا جارہا ہے۔
