ایل او سی پر تعینات سیکورٹی اہلکاروں کی کلائیوں پر بھی بندھی راکھی

ضلع پونچھ کی تحصیل مینڈھر کے مانکوٹ سیکٹر میں گاؤں کی لڑکیوں نے اپنا فرض نبھاتے ہوئے لائن آف کنٹرول پر تعینات بارڈر سیکورٹی فورسز کی کلائیوں پر راکھی باندھ کر ان کی لمبی عمر کے لیے دعائیں کی۔

جوانوں کی کلائیوں پر راکھی باندھنے والی بہنوں نے کہا کہ 'ملک اور ہماری سلامتی کی خاطر 24 گھنٹے سرحد کی حفاظت کرنے والے ان بھائیوں کو اپنے گھر سے دوری کا احساس نہ ہو اس لیے ہم نے ان کی کلائیوں پر راکھی باندھنے کے لیے ہم یہاں آئے ہیں ساتھ ہی ہم ان بہادر بھائیوں کی لمبی عمر کے لیے دعا بھی کرتے ہیں۔

اس موقع پر آرمی افسر نے بھی خوشی کا اظہار کرتے ہوئے کہا کہ 'ملک کی حفاظت کرنا ہمارا فرض ہے اور اس تہوار پر ہم گھر بھی جانا چاہتے تھے اور اپنی بہنوں سے راکھی بندھوانا چاہتے تھے، لیکن یہاں موجود ہماری بہنوں نے اس کمی کو پورا کردیا، گھر سے دور رہ کر بھی ہمیں گھر کی طرح محسوس ہورہا ہے، ہم خوش ہیں کہ یہاں بھی ہمارا پریوار ہے جو خوشی کے موقع پر ہمارے ساتھ خوشیاں بانٹتا ہے'۔