جموں: جموں و کشمیر نیشنل کانفرنس کے صدر اور سرینگر سے ممبر پارلیمنٹ ڈاکٹر فاروق عبداللہ نے جمعرات کو ممتاز سائنسدان اور CSIR-IIIM کے سابق سینیئر پرنسپل اور سائنسدان ڈاکٹر گرودرشن سنگھ کو جموں میں پارٹی میں خوش آمدید کیا۔ ڈاکٹر سنگھ کا پارٹی میں خیر مقدم کرتے ہوئے ڈاکٹر فاروق نے کہا کہ پارٹی تحقیق اور علمی صلاحیتوں میں ان کے تجربے سے فائدہ اٹھائے گی۔
یہ بات قابل ذکر ہے کہ ڈاکٹر سنگھ ایک سماجی کارکن بھی ہیں اور CSIR –IIIM جموں (ICMR نئی دہلی سے منظور شدہ لیب) کی Covid-19 ٹیسٹنگ لیب کے مجموعی طور پر انچارج بھی تھے۔ این سی میں شمولیت کے بعد ڈاکٹر سنگھ نے پارٹی کو مضبوط کرنے کا عزم کیا۔
مزید پڑھیں:
اس موقع پر رتن لال گپتا صوبائی صدر جموں شیخ بشیر احمد صوبائی سیکرٹری جموں سجاد احمد کچلو زون صدر چناب ویلی وجے لوچن پی پی ایس سی سیل، عبدالغنی تیلی پی پی او بی سی سیل اور دیگر شامل تھے۔ Dr. Gurdarshan Singh Joins JKNC
