ریاست راجستھان کے دارالحکومت جے پور میں سوفیا پیرینٹس ایسوسی ایشن نے اسکول کی فیس معاف کرنے کا مطالبہ کیا۔ اس دوران والدین نے جے پور کے گاٹ گیٹ علاقہ میں واقع سوفیا اسکول کے باہر احتجاجی مظاہرہ کیا۔
یہ احتجاجی مظاہرہ عالمی وباء کورونا کے درمیان فیس معاف کرنے کو لے کر کیا گیا، اس احتجاجی مظاہرے میں شامل تمام لوگوں نے خاموشی کے ساتھ اپنے غصے کا اظہار کیا اور یہ مطالبہ کیا کہ سوفیا اسکول میں زیرِ تعلیم ان کے بچوں کی فیس معاف کی جائے۔
احتجاجی مظاہرین کا کہنا تھا کہ اس وبائی مرض اور لاک ڈاؤن کے دوران ہماری تنخواہوں میں کٹوتی کی گئی لہذا وقت اور حالات کے تقاضے کو دیکھتے ہوئے اسکول انتظامیہ کو بھی چاہیے کہ طلبا کی فیس میں چھوٹ دے۔
والدین کا کہنا تھا کہ ہماری جانب سے اسکول کو میمورنڈم دیا گیا ہے، اسکول انتظامیہ نے ہمیں یقین دہانی کرائی ہے کہ ہماری بات کو آگے تک پہنچایا جائے گا۔
والدین نے انتباہ بھی دیا کہ اگر ہمارے مطالبات کی جانب توجہ نہیں دی جاتی ہے تو آنے والے وقت میں اس سے بڑا احتجاجی مظاہرہ کیا جائے گا، وہیں احتجاج کی اطلاع ملنے پر پولیس بھی موقع پر پہنچ گئی۔
