جے پور: راجستھان کے سیکر میں ریٹ امتحان دینے جا رہے پانچ طالب علم سمیت چھ لوگوں کی موت پر وزیراعلی اشوک گہلوت نے غم کا اظہار کرتے ہوئے ان کے گھر والوں کو دو لاکھ روپیے دینے کا اعلان کیا ہے۔
ساتھ ہی زخمیوں کو پچاس پچاس ہزار دینے کا اعلان کیا ہے۔ وہیں کابینی وزراء اور بی جے پی رہنماؤں نے اس دردناک حادثے کے شکار ہوئے لوگوں کی تئیں ہمدردی کا اظہار کیا ہے۔
واضح رہے کہ جے پور کے چاکسو علاقے میں سوار گیارہ لوگ ریٹ کا امتحان دینے سکر جارہے تھے کہ بے قابو گاڑی حادثے کا شکار ہوگئی، جس میں ڈرائیور اور ایک طالب علم کی موت موقع پر ہی ہوگئی، جبکہ علاج کے لئے لے جا رہے چار طالب علموں کی موت راستے میں ہوگئی۔ پانچ لوگ زخمی ہیں جن میں سے ایک کی حالت نازک ہے۔
یہ بھی پڑھیں: جے پور: دردناک سڑک حادثے میں 6 کی موت
راجستھان میں اتوار کے روز ریٹ کا امتحان ہے، جس میں 17 لاکھ کے قریب طلباء شریک ہوں گے۔
