ریاست راجستھان کی دارالحکومت جے پور کے رام گڈھ موڑ علاقے میں واقع کربلا کی درگاہ میں کئی روز سے اندھیرا نظر ہے، یہ اندھیرا محکمہ بجلی کی جانب سے بجلی کے دو فیوز کاٹنے کی وجہ سے ہے۔
اندھیرا ہونے کی وجہ سے یہاں پر آنے والے زائرین کو پریشانیوں کا سامنا کرنا پڑ رہا ہے، درگاہ میں اندھیرا ہونے کی وجہ سے جو درگاہ کی خوبصورتی ہے وہ بھی ماند پڑگئی ہے۔
وہیں زائرین یہ سوال کررہے ہیں کہ اتنی بڑی درگاہ آخر اندھیرے میں کیوں ہے؟
محکمہ بجلی اور درگاہ کمیٹی پر سوال کھڑا ہوتا ہے کہ آخر کس وجہ سے یہاں کی بجلی کے فیس کو کاٹا گیا ہے۔
درگاہ کے خادم شکیل کا ای ٹی وی بھارت سے خاص بات چیت کے دوران کہنا ہے کہ گزشتہ تین روز سے درگاہ میں اسی طرح سے اندھیرا چھایا ہوا ہے لیکن اس جانب کوئی توجہ نہیں دے رہا ہے اس لیے یہاں پر زائرین کو پریشانیوں کا سامنا کرنا پڑ رہا ہے۔
بہرحال دیکھنے والی بات یہ ہوگی جو کمیٹی کے ذمہ داران ہیں وہ لوگ کب تک اس جانب توجہ دیں گے اور درگاہ میں روشنی یعنی بجلی آئے گی۔
