ریاست راجستھان کے دارالحکومت جے پور ہیریٹیج وارڈ نمبر 80 سے بلدیاتی انتخابات کے آزاد امید وار مزمل حیات نے اپنی پرچہ نامزدگی داخل کرنے کے بعد کہاکہ' اگر اس بلدیہ میں مری فتح ہوتی ہے تو وارڈ نمبر 80 پورے جے پور ہیریٹیج میں سب سے خوبصورت اور صاف و شفاف نظر آئے گا۔
بلدیہ انتخابات کے آزاد امید وار مزمل حیات سے خصوصی گفتگو
مزمل حیات کا کہنا ہے کہ اس وارڈ سے کانگریس و بھارتیہ جنتا پارٹی نے بھی گذشتہ انتخابات میں فتح حاصل کی تھی لیکن انہوں نے کبھی بھی وارڈ کی ترقی کی جانب نظر نہیں کیا۔ وارڈ کی سڑکیں خستہ حالی کا شکار ہیں، یہاں بجلی کی سہولیات مکمل طور پر دستیاب نہیں ہے۔
مزمل حیات نے کہا کہ' لوگوں کے اسرار پر بطور آزاد امیدوار میں نے پرچہ نامزدگی داخل کرائی ہے اور مجھے پوری امید ہے کہ میں اس انتخابات میں فتح سے ہمکنار ہوں گا۔
