ریاست راجستھان، ضلع دھول پور کے باڑی قصبے میں مقامی انتظامیہ اور پولیس کو پان مسالہ اور گٹکے کی دوکان کھولنے کے بارے میں اطلاع موصول ہوئی تھی۔
اطلاع پر پولیس اور انتظامیہ کی ٹیمیں موقع پر پہنچ گئی لیکن پان مسالہ کی دوکان پر نصف درجن سے زیادہ افراد بیٹھے تھے، جب پولیس نے لاک ڈاؤن کا حوالہ دیتے ہوئے لوگوں کو گھر جانے کو کہا تو وہاں بیٹھے افراد متحرک ہوگئے اور پولیس اہلکاروں پر حملہ کردیا، اس حملے میں دو پولیس اہلکار زخمی ہوئے ہیں۔
بعد ازاں اس معاملے کی اطلاع مقامی تھانہ پولیس اسٹیشن کو دی گئی۔ جس کے بعد پولیس فورس اور انتظامیہ کے افسران کی ایک بڑی تعداد موقع پرپہنچ گئی لیکن تب تک ملزم موقع سے فرار ہوگئے تھے۔
پولیس کے مطابق واقعے کی اطلاع پر پولیس فورس کے ساتھ موقع پر پہنچنے کے بعد چار ملزمان کو حراست میں لیا گیا ہے۔ باقی ملزمان کی شناخت ہوگئی ہے جن کی تلاش کی جارہی ہے۔
