'میری ہولی میرا گھر'

مدھیہ پردیش میں کورونا کے پیش نظر وزیراعلی شیوراج سنگھ نے کہا میری ہولی میرا گھر، اجتماعی تقریبات کی کسی کو اجازت نہیں دی جائے گی۔

ریاست میں کورونا تیزی سے پھیل رہا ہے، جس کی روک تھام کے لیے حکومت ہر ممکن کوشش بھی کر رہی ہے۔ اسی ضمن میں حکومت نے کورونا کے تعلق سے نئے احکامات جاری کر دیے ہیں جس کے تحت اجتماعی تقریبات پر پابندی عائد ہے۔

ایسے میں ہولی کے تہوار کے پانچ روز بعد مالوہ میں رنگ پنچمی کا تہوار بڑے جوش و خروش کے ساتھ منایا جاتا ہے۔ ان علاقوں میں روایتی جلوس نکالے جاتے ہیں جس میں ہزاروں لوگ شرکت کرتے ہیں۔ اس کی وجہ سے سماجی فاصلہ برقرار رکھنا نا ممکن ہے۔

اس کی روک تھام کے لیے وزیراعلی شیوراج سنگھ چوہان نے لوگوں سے اپیل کی ہے کہ وہ اپنے گھر پر ہی حفاظتی طریقے سے پنچمی کا تہوار منائیں۔ ریاست کے جن علاقوں کو کورونا نے سب سے زیادہ متاثر کیا ہے، ان علاقوں میں نگرانی رکھنے کے لیے ٹیمیں بھیجی جا رہی ہیں۔