کورونا وائرس سے متعلق دارالحکومت دہلی کے نظام الدین کے علاقے میں پیش آنے والے واقعے کے بعد الزامات کا دور شروع ہوگیا ہے۔
بی جے پی کے قومی جنرل سکریٹری کیلاش وجئے ورگیہ نے مغربی بنگال کی وزیراعلیٰ ممتا بنرجی کو نشانہ بناتے ہوئے کہا ہے کہ ممتا بنرجی ووٹوں سے پریشان ہیں، انہیں اس وقت بھی ملک کی فکر نہیں ہے۔
کیلاش وجئے ورگیہ نے کہا کہ نظام الدین میں جس طرح سے یہ واقعہ پیش آیا اور وہاں سے پورے ملک جانے والے لوگ اب انسانی بم کی شکل میں ملک بھر میں گھوم رہے ہیں اور ایسے لوگوں کو اب انتظامیہ کے سامنے آکر ہتھیار ڈالنا چاہیے۔
کیلاش وجئے ورگیہ نے کہا کہ انتظامیہ ان کی صحت کے لیے تعاون کرے گی، ایسی صورتحال میں ان لوگوں کو آگے آنا چاہئے اور حکومت تک پہنچنا چاہئے تاکہ یہ انفیکشن ملک کے دوسرے حصوں میں نہ پھیل جائے۔
کیلاش وجئے ورگیہ نے شہر اندور کے بارے میں بھی کہا کہ پہلے مشتبہ افراد کی فہرست موصول ہوئی تھی ان میں سے دو افراد کو دہلی کے اسپتال میں داخل ہونے کی اطلاع ملی ہے جبکہ دیگر افراد کی بھی مسلسل تلاش کی جارہی ہے۔
