اندور: جاسوسی کے شبہ میں دو بہنوں سے تفتیش

ریاست مدھیہ پردیش کے صنعتی شہر اندور میں فوجی علاقے میں رہنے والی دو بہنوں کو جاسوسی کے شبہ میں ایجنسیاں تفتیش کے لیے لے گئیں۔ وہیں، ان کے الیکٹرانک ڈیوائس کی بھی جانچ کی جا رہی ہے۔ ایجنسیوں کوشبہ ہے کہ یہ دو بہنی پڑوسی ملک کے لیے جاسوسی کرتی ہیں۔

اندور ضلع کے فوجی علاقے میں رہنے والی دو بہنوں پر انٹیلی جنس ایجنسیوں کو شبہ ہے کہ یہ دونوں خاتون نے پڑوسی ملک کے نوجوانوں سے سوشل میڈیا کے ذریعے رابطے میں ہے۔ ایجنسی دونوں سے جہاں تفتیش کر رہی ہے وہیں ان کے الیکٹرک ڈیوائس کی بھی جانچ کی جا رہی ہے۔

اندور آئی جی ہری نارائین چار مشرا نے بتایا کہ ابتدائی معلومات سے پولیس کو ابھی تک جو بھی ثبوت ملے ہیں اس کی باریکی سے جانچ کی جارہی ہے۔

ذرائع کے مطابق دونوں خاتون پڑوسی ملک کے نوجوانوں سے سوشل میڈیا کے ذریعے رابطے میں تھیں فی الحال تحقیقات جاری ہے۔ بتایا جارہا ہے کہ خواتین کے والد فوج سے ریٹائرڈ ہوئے بھی ہیں۔