پولیس کی جانب سے یہاں کئی نوجوانوں کی گرفتاری بھی ہوئی۔ مکہ مسجد اور چار مینار کے قریب پولیس کے ریپڈ ایکشن فورسز اور ٹاسک فورسز کا بندوبست کیا گیا - پولیس کی جانب سے مصلیوں کی ویڈیو گرافی کی گئی اور مکہ مسجد کے بیرون اسپیکرز کی آواز کم کر دی گئی-
خیال رہے کہ ملک بھر میں شہریت ترمیمی قانون کے خلاف احتجاج ہورہے ہیں۔ کئی جگہ لوگوں کو سی اے اے کے خلاف احتجاج کرنے کی اجازت دی جارہی ہے تو کئی جگہ ماحول بگڑنے سے بچانے کے لیے مظاہرے کی اجازت نہیں دی جا رہی ہے۔
کئی جگہ لوگوں نے پولیس پر الزام عائد کیا ہے کہ پولیس اورانتظامہ شہریت ترمیمی قانون کی حمایت میں احتجاج کرنے کی اجازت دے رہی ہے، جبکہ اس کے برعکس کچھ جگہوں میں احتجاج کرنے کی اجازت نہیں دی جا رہی ہے۔
خیال رہے کہ سی اے اے کے خلاف دہلی کے شاہین باغ میں تقریبا ایک ماہ سے خواتین احتجاج کر ہی ہیں۔ یہاں سینکڑوں خواتین دہلی سے نوئیڈا جانے والے ہائیوے پراحتجاج کر رہی ہیں، جس سے یہاں کی آمد ورفت بند ہے۔ دہلی ہائی کورٹ نے دہلی پولیس کو ہدایت دی ہے کہ احتجاجیوں سے بات چیت کے سہارے جگہ کو خالی کرائیں۔
