No Ban On Wearing Hijab: بھارت میں حجاب پر کوئی پابندی نہیں ہے

حیدرآباد کے این ٹی آر اسٹیڈیم میں مرکزی وزیر برائے اقلیتی امور مختار عباس نقوی نے ہنرہاٹ کا افتتاح کے بعد میڈیا سے کہا کہ عوام ملک میں کچھ بھی پہننے کے لئے آزاد ہیں Statement of Mukhtar Abbas Naqvi on Hijab۔

مرکزی وزیراقلیتی امور مختارعباس نقوی نے کہا ہے کہ ملک میں حجاب پر کوئی پابندی نہیں ہے Mukhtar Abbas Naqvi Says No ban hijab in India۔

انہوں نے این ٹی آر اسٹیڈیم میں مرکزی وزیر سیاحت جی کشن ریڈی کے ساتھ ہنرہاٹ کا افتتاح کرنے کے بعد میڈیا سے بات کرتے ہوئے کہا کہ یہ معاملہ فی الحال عدالت میں ہے۔

انہوں نے کہا کہ عوام ملک میں کچھ بھی پہننے کے لئے آزاد ہیں۔ ہوسکتا ہے کہ بعض اداروں نے ڈریس کوڈ لاگو کیا ہو۔ عوام کو یہ سمجھنا چاہئے کہ حقوق اور فرائض مساوی طور پر اہم ہیں؟

(یواین آئی)