Telangana Rashtra Samiti: تلنگانہ راشٹراسمیتی کے مرحوم اراکین کے اہل خانہ میں چیکس تقسیم

تلنگانہ راشٹرا سمیتی پارٹی کی رکن سازی مہم میں وعدہ کیا گیا تھا کہ پارٹی کی رکنیت حاصل کردہ اراکین کی کسی بھی طرح کے حادثہ میں وفات ہوجائے تو پارٹی کی جانب سے مہلوکین کے افراد خاندان کو دو لاکھ روپئے فراہم کئے جائیں گے۔اب تک ٹی آرایس پارٹی کے جتنے بھی اراکین کی حادثہ کی وجہ سے موت واقع ہوئی ہے ان کے ورثاء کو فی کس دو لاکھ روپئے تقسیم کئے گئے ہیں۔ Distribution Of Checks Among The Families Of Late Members Of Telangana Rashtra Samiti

تلنگانہ کے ریاستی وزیر داخلہ محمد محمود علی نے اپنے دفتر میں ٹی آر ایس پارٹی کے مرحوم اراکین کے اہل خانہ کو چیکس تقسیم کرتے ہوئے کہا کہ ٹی آر ایس پارٹی حقیقی عوامی پارٹی ہے جو عوام کے دکھ درد کو محسوس کرکے ان کی مدد کرتی ہے۔

تلنگانہ راشٹرا سمیتی پارٹی کی رکن سازی مہم میں وعدہ کیا گیا تھا کہ پارٹی کی رکنیت حاصل کردہ اراکین کی کسی بھی طرح کے حادثہ میں وفات ہوجائے تو پارٹی کی جانب سے مہلوکین کے افراد خاندان کو دو لاکھ روپئے فراہم کئے جائیں گے۔ اب تک ٹی آر ایس پارٹی کے جتنے بھی اراکین کی حادثہ کی وجہ سے موت واقع ہوئی ہے ان کے ورثاء کو فی کس دو لاکھ روپئے دئے گئے ہیں۔

گوشہ محل حلقہ اسمبلی کے جھرہ کے متوطن بابو میاں اور محمد میاں نے سال 2021 میں ٹی آر ایس پارٹی کی رکنیت حاصل کی تھی۔ اسی سال ایک کار حادثہ میں دونوں جاں بحق ہوگئے۔ مرحومین کے افراد خاندان نے فیل خانہ کے سابق کارپوریٹر عقیل احمد سے رابطہ کرکے تفصیلات سے آگاہ کیا۔

جس پر عقیل احمد نے مسلسل کوششیں کرتے ہوئے مرحومین کےحادثہ سے پارٹی کے اعلیٰ ذمہ داروں کو واقف کروایا۔ٹی آر ایس پارٹی کی جانب سے دونوں مرحومین کے بیواؤں شبانہ بیگم اور عابدہ بیگم کو فی کس دو لاکھ روپیوں کے چیکس منگل کو وزیر داخلہ محمد محمود علی کے ہاتھوں تقسیم کئے گئے جس پر مرحومین کے افراد خاندان نے وزیر داخلہ اور عقیل احمد کا شکریہ ادا کیا۔اس موقع پر گوشہ محل کے پارٹی انچارج پریم سنگھ راٹھوڑ کے علاوہ دیگر موجود تھے۔