اطلاعات کے مطابق شہر حیدرآبادکے نواحی علاقہ اُپل کا رہنے والا شیواریڈی کئی برسوں سے سڑک کے کنارے چائے کی بنڈی لگاتے ہوئے اپنے اور اپنے ارکان خاندان کفالت کر رہا تھا تاہم سڑک کی توسیع پر وہ اپنے ذریعہ معاش سے محروم ہوگیا کیونکہ اس کی بنڈی کو وہاں سے ہٹادیا گیا۔ اس پر شیواریڈی کا خاندان سڑک پر آگیا جن کی روٹی روزی کے لیے کافی مشکلات ہورہی تھیں۔
ایسے میں شیواریڈی نے سوشیل میڈیا کے اس اہم پلیٹ فارم ٹوئیٹر پر سرگرم رہتے ہوئے عوامی مسائل کو حل کرنے والے وزیر تارک راما راو کو ٹوئیٹ کیا اور اپنے مسئلہ کو اس ٹوئیٹ کے ذریعہ ان کے سامنے رکھا۔ اس ٹوئیٹ پر وزیر کے ٹی آر نے فوری ردعمل ظاہر کرتے ہوئے ٹی آر ایس ڈیویثرن صدر جی پراوین کے ذریعہ اس کے لیے بنڈی کا انتظام کروایا۔ اس چائے کی بنڈی کا افتتاح گذشتہ روز رکن اسمبلی سبھاش ریڈی نے کیا۔ اس طرح شیواریڈی اور اس کے خاندان کے لئے روزگار کا نیا ذریعہ مل گیا۔
