کورونا وائرس کے سبب ملک میں جاری لاک ڈاون سے جہاں لوگ اپنے گھروں میں قید ہیں وہیں میونسپل کارپوریشن کے ملازمین مسلسل صفائی ستھرائی کے کاموں میں مصروف ہیں۔
ریاست بہار کے ضلع گیا میں صفائی کرتے ہوئے ایک صفائی ملازمہ کی اچانک موت ہوگئی ہے۔
نائب نوڈل آفیسر دنکر پرساد نے بتایا کہ بامبا محل کی رہائشی 45 سالہ ایک خاتون وارڈ نمبر دس کے درگا گلی کے قریب اپنی ڈیوٹی نبھا رہی تھی کہ اچانک انکی طبعت خراب ہونے لگی تو مقامی لوگوں نے اسے ایک گھر میں لیکر گئے لیکن اسی دوران عورت کی موت واقع ہوگئی۔ ڈاکٹروں نے جانچ کرنے بعد اسے مردہ قرار دے دیا۔
نوڈل آفیسر دنکر پرساد نے اسکے گھر جاکر اہل خانہ کو امدادی رقم دی اور آخری رسومات ادا کرا دی گئی ہے۔
