گیا: ریاست بہار کے ضلع گیا کانگریس کے نائب صدر زبیر احمد خان کا انتقال ہو گیا۔ ان کی تجہیز و تکفین ان کے آبائی گاؤں بھدیہ سولے باٹا میں عمل میں آئی۔
زبیر احمد خان کا بہار کے بڑے سیاسی گھرانے سے تعلق تھا۔ وہ سابق وزیر و قدآور رہنما شکیل احمد خان مرحوم کے بڑے بھانجہ تھے Death of Congress Vice President Gaya Zubair Ahmed Khan۔
گیا ضلع کانگریس کے نائب صدر زبیر احمد خان 62 سال کی عمر میں داعی اجل کو لبیک کہا، زبیر احمد خان گزشتہ کچھ دنوں سے بیمار تھے پٹنہ ایمس سے بہتر علاج کے لیے انہیں کولکاتا لے جایا جا رہا تھا کہ راستے میں ان کا انتقال ہو گیا۔
انتقال کی خبر کے بعد ضلع کے سیاسی و سماجی اور رشتے داروں سوگ کی لہر دوڑ گئی، ضلع ہیڈ کوارٹر سے قریب پچاس کلو میٹر دور بھدیہ سوب قبرستان میں تدفین عمل میں آئی جنازہ میں ضلع کے سیاسی و سماجی اور عام لوگوں نے بڑی تعداد میں شرکت کی۔ شہر گیا علی گنج اور بھدیہ سوب دو جگہوں پر نماز جنازہ ادا کی گئی۔
زبیر احمد خان اپنے پانچ بھائیوں میں سب سے بڑے تھے ان کے ایک بھائی عزیر احمد خان راشٹریہ جنتا دل کے کے سینئر رہنما ہیں جب کہ دوسرے بھائی عمیر احمد خان کانگریس اقلیتی سیل جھارکھنڈ کے انچارج ہیں۔
مزید پڑھیں:
تدفین سے قبل ضلع کانگریس وریاستی کانگریس کی طرف سے ان کے جسد خاکی پر کانگریس کا پرچم ڈال کر خراج عقیدت پیش کی گئی۔ رہنماؤں نے کہا کہ ضلع کانگریس نے اپنے ایک سینیئر رہنما کو کھویا ہے۔
