قومی دارالحکومت دہلی کے تینوں کارپوریشن پر بی جے پی کا قبضہ ہے، بی جے پی کے زیر اقتدار کارپوریشنوں میں بد حالی کا یہ عالم ہے کہ اساتذہ کو گزشتہ پانچ مہینوں سے تنخواہیں نہیں ملی ہیں اور صورتحال مزید خراب ہونے کے آثار ہیں۔
ان حالات کی وجہ سے تمام اساتذہ میں شدید غم و غصہ پایا جاتا ہے، تنخواہ کے مطالبات کو لے کر اساتذہ تنظموں کا مہینوں سے احتجاج اور دھرنا جاری ہے۔
میونسپل اساتذہ ایسوسی ایشن کے جنرل سکریٹری رام نیواس سولنکی نے غم و غصے کا اظہار کرتے ہوئے کہا ہے کہ 'شمالی دہلی میونسپل کارپوریشن کے میئر جئے پرکاش نے اساتذہ کے ساتھ وعدہ خلافی کی ہے، جس کی وجہ سے شمالی میونسپل کارپوریشن کے نو ہزار اساتذہ میں زبردست ناراضگی ہے اور انہیں اپنی زندگی گزارنا بھی محال ہو رہا ہے۔
جنرل سکریٹری رامنیواس سولنکی نے میئر سے مطالبہ کیا ہے کہ اگست ماہ کی 9000 اساتذہ کی تنخواہ کے لیے فنڈ جاری کیا جائے۔
