نئی دہلی میں مشرقی دہلی علاقے کے مصطفیٰ آباد میں واقع اکبری مسجد کو کورونا وائرس سے محفوظ رکھنے کے لیے سینیٹائز کیا گیا۔
مسجد کی صفائی سکھ برادری نے انجام دی ہے۔ وہیں مسجد کے امام نے ان کا شکریہ ادا کیا ہے۔ امام کا کہنا ہے کہ آپسی اتحاد قائم رکھیں اور کورونا وائرس سے لڑنے کے لیے متحد ہوں۔
در اصل آر ڈبلیو اے فیڈرہشن آف انڈیا کی ٹیم لاک ڈاؤن کے بعد مختلف مسجد، مندر، چرچ اور گرودوارے کو برابر صاف کرنے کا کام کر رہی ہے۔
اسی کڑی میں اکبری مسجد کو بھی سکھ برادری کے افراد نے سینیٹائز کیا۔ وہیں ان کے اس قدم کو آپسی بھائی چارے کے طور پر بھی دیکھا جارہا ہے۔
بتا دیں کہ مصطفیٰ آباد میں گزشتہ دنوں ہوئے دہلی فساد کے بعد حالات بگڑ گئے تھے، لیکن اب ان علاقوں میں لوگ ایک دوسرے کے ساتھ مل آپسی اتحاد کو فروغ دے رہے ہیں۔
