رضا اکیڈمی کی جانب سے دارالحکومت دہلی کے انڈیا اسلامک کلچرل سینٹر میں آج تحفظ ناموس رسالت کانفرنس کا انعقاد کیا گیا۔ اس کانفرنس کے دوران یہ فیصلہ بھی لیا گیا کہ' وسیم رضوی کی جانب سے سپریم کورٹ میں داخل کی گئی پیٹیشن پر کیا کارروائی کی جائے'۔
انڈیا اسلامک کلچرل سینٹر میں تحفظ ناموس رسالت کانفرنس کا انعقاد اس کانفرنس میں ملک کے مختلف ریاستوں کے علماء کرام نے شرکت کی۔ اس کانفرنس کا مقصد حضرت محمد مصطفیٰ صلی اللہ علیہ وسلم کے خلاف بولنے والوں پر کارروائی کرنے کے لیے حکمت عملی تیار کرنا ہے۔ یہ کانفرنس رضا اکادمی کی جانب سے تشکیل دیے گیے تحفظ ناموس رسالت بورڈ کے زیر انتظام منعقد کی گئی ہے۔واضح رہے کہ وسیم رضوی نے قرآن سے 26 آیات کو حذف کرنے کے لیے سپریم کورٹ میں رٹ پیٹیشن داخل کی ہے، جس کے بعد سے ہی مسلمانوں کے تمام مکاتب فکر بشمول اہل سنت، اہل حدیث، دیوبندی، بریلوی و شیعہ علماء کی جانب سے بھی پر زور مذمت کی جا رہی ہے۔ اسی لیے رضا اکادمی نے یہ فیصلہ کیا ہے کہ، وہ وسیم رضوی کے خلاف سپریم کورٹ میں پیٹیشن داخل کریں گے'۔
