جاوڈیکر نے منگل کے روز کہا کہ اننت پور ضلع انتظامیہ نے عالمی یوم بنات کے موقع پر ایک بہت اچھا اقدام کیا۔ انہوں نے کہا کہ "ایک زرعی مزدور کی 16 سالہ بہادر بیٹی ایم ونی نے 11 اکتوبر کو ایک دن کے لئے اننت پور ڈسٹرکٹ کلکٹر کی ذمہ داری سنبھالی۔ ضلع انتظامیہ نے بچی کو ایک دن کے لئے ہر سرکاری دفتر میں محکمہ کے سربراہ کی ذمہ داری دینے کا فیصلہ کیا ہے۔
'انٹرنیشنل گرل چائلڈ ڈے' کے موقع پر لڑکی مستقبل ہے،کے نام سے پروگرام کے تحت ضلع انتظامیہ نے 11 اکتوبر کو ونی نامی لڑکی کو ایک دن کے لئے ضلع کلکٹر کی کرسی پر کام کرنے کا موقع فراہم کیا۔ اس کے لئے ، لاٹری کے ذریعے ونی کا انتخاب کیا گیا تھا۔
کلکٹر گندھم چندرودو نے 10 اکتوبر کو اعلان کیا تھا کہ ضلع کے ہر سرکاری دفتر میں ایک دن کے لئے ایک لڑکی کو محکمہ کا سربراہ بنایا جائے گا۔
