جامعہ ملیہ اسلامیہ یونیورسٹی نے 'اسرائیل-فلسطین تنازع کی ابتدا' کے عنوان پر آن لائن لیکچر کا اہتمام کیا۔ اس سیمینار میں پروفیسر شمیر حسن، سابق ڈین ،فیکلٹی آف انٹرنیشنل اسٹڈیز کے علاوہ اے ایم یو اور مغربی ایشین اور شمالی افریقی علوم کے معروف اسکالرز نے لیکچر پیش کیے۔
پروفیسر شمیر حسن نے اسرائیل-فلسطین تنازع سے متعلق امور پر ایک وسیع پیمانے پر کی گئی رسرچ پیش کی جس میں ’فلسطین میں اور اس کے آس پاس کے مسلسل تنازعات کی تاریخی نشوونما‘ ، اسرائیلی قبضہ اور عرب فلسطین کے خلاف جارحیت ہندوستان کی فلسطین پالیسی کا ارتقا شامل رہے۔
لیکچر کا افتتاح سینٹر فار ویسٹ ایشین اسٹڈیز کے آفیسیٹنگ ڈائریکٹر ڈاکٹر ہمایوں اختر ناظمی نے کیا جنہوں نے مہمان اسپیکر کو خوش آمدید کہا اور لیکچر کے تھیم کو متعارف کرایا۔ پروفیسر انیس الرحمن ، ڈائریکٹر یو جی سی-ایچ آر ڈی سی ، جے ایم آئی نے اجلاس کی صدارت کی۔ آن لائن پروگرام میں متعدد اسکالرز اور دیگر شرکاء بھی شریک ہوئے۔
لیکچر میں شرکاء کی فعال شرکت دیکھی گئی، جس میں ایک طویل سوال جواب کا سیشن بھی شامل تھا۔ لیکچر کا اختتام ریسرچ اسکالر صیاد محمد شاہنواز کے ذریعہ اظہار تشکر سے ہوا۔
