ای ٹی وی بھارت کے نمائندے نے بزرگ صحافی اور دہلی اقلیتی کمیشن کے سابق چیئرمین ڈاکٹر ظفرالاسلام خان سے بات کی، جس میں انہوں نے بتایا کہ ممکن ہے کہ کشمیر کو ریاست کا درجہ پھر سے بحال کر دیا جائے۔
انہوں نے کہا کہ ''میں سن رہا ہوں کہ کشمیر کو ریاست کا درجہ دوبارہ دے دیا جائے گا '' حالانکہ انہوں نے دفعہ 370 کو ہٹائے جانے پر کہا کہ اسے ہٹانے کے لیے جو طریقہ اپنایا گیا تھا وہ غلط تھا حکومت کو چاہیے تھا کہ کشمیر کی اسمبلی سے اس فیصلے کو پاس کرایا جاتا۔
ڈاکٹر ظفرالاسلام خان نے کہا کہ وہ عسکریت پسندی کے خلاف ہیں لیکن گذشتہ برس جو اعداد و شمار سامنے آئے ہیں اس سے یہ بات صاف ہے کہ دفعہ 370 ہٹائے جانے کے بعد عسکریت پسندی میں اضافہ ہوا ہے۔
انہوں نے مزید کہا کہ حکومت کو چاہیے کہ کشمیر کی عوام کو اعتماد میں لے کیونکہ عوام کے درمیان یہ پیغام جا رہا ہے کہ حکومت کشمیر کی عوام کو نہیں بلکہ ان کی زمین کو چاہتی ہے جو غلط ہے۔
