عرضی گزار نے پروجیکٹ میں کام کرنے والے مزدوروں اور اس میں شامل دیگر افراد کی زندگی بچانے کی اپیل کی اور کہا کہ پروجیکٹ کے تحت کیے جانے والے تعمیراتی کام سے کورونا وائرس مزید بڑھ سکتا ہے۔
چیف جسٹس ڈی این پٹیل نے کہا کہ بینچ سپریم کورٹ کی جانب سے اس بابت کیے گئے فیصلے کا مطالعہ کرنا چاہتا ہے۔ حالانکہ کورٹ نے کہا کہ وہ پروجیکٹ کے سلسلے میں نوٹس جاری نہیں کرے گا۔
عرضی میں کہا گیا ہے کہ اگر پروجیکٹ روکا نہیں گیا تو کورونا وائرس کے بڑھتے قہر کے درمیان حالات مزید خراب ہوں گے اور کورونا کے سبب قومی دارالحکومت میں مزید اموات ہوں گی۔
عرضی میں پولیس کمشنر کے دہلی میں کرفیو اور لاک ڈاؤن کے باوجود وسٹا ایوینیو کے کام کے لیے گاڑیوں کو 'ضروری خدمات' کے زمرے کے پاس دیے جانے کے فیصلے پر سوال اٹھایا گیا ہے۔
یو این آئی
