دہلی میں موسلا دھار بارش سے قبریں دلدل میں تبدیل

دہلی میں کورونا وبا سے ہلاک ہونے والے افراد کی قبریں بارش کے سبب تباہ و برباد ہوچکی ہیں، قبریں پوری طرح پانی میں ڈوبی ہوئی ہیں اور کوئی بھی دیکھ بھال کرنے والا نہیں ہے۔

قومی دارالحکومت دہلی کے سب بڑے جدید قبرستان میں گذشتہ روز ہوئی موسلا دھار بارش کے سبب درجنوں قبریں دھنس گئی ہیں۔ ای ٹی وی بھارت کے نمائندہ نے جب موقع پر پہنچ کر حالات کا جائزہ لیا تو پتہ چلا کہ' گویا وہ قبر نہیں بلکہ ایک دلدل ہے۔ بیشتر قبریں دھنس چکی ہیں اور ان میں پانی بھر چکے ہیں۔

ان سب کے پیچھے ایک وجہ جونظر آئی وہ یہ تھی کہ کورونا وبا سے ہلاک ہونے والے افراد کی قبریں جس حصہ میں بنائی گئی ہیں وہ پورا نشیبی ہے۔

دہلی: موسلہ دہار بارش کے پیش نظر قبریں دلدل میں تبدیل

دہلی: موسلہ دہار بارش کے پیش نظر قبریں دلدل میں تبدیل

کورونا وبا نہ پھیلے ان باتوں کا خیال رکھتے ہوئے ان قبروں کو عام قبر کے مقابلے زیادہ گہرا کیا جاتا ہے، تاکہ موذی وائرس باہر نہ آسکے اور جو بھی کورونا وبا سے ہلاک ہونے والے افراد کی قبر بنائی جاتی ہے انہیں بغیر صندوق کے ہی دفن کیا جاتا ہے۔