امیتابھ بچن کی صحتیابی کے لئے بی جے پی ترجمان نے دعا کی

بھارتیہ جنتا پارٹی کے ترجمان سید شاہنواز حسین نے کہا کہ 'عظیم اداکار کے ساتھ پورے ملک کے لوگوں کی دعائیں ہیں اور وہ بہت جلد کورونا وائرس سے جنگ جیت کر اسپتال سے لوٹیں گے۔'

صدی کے عظیم اداکار امیتابھ بچن اور ان کے صاحبزادے ابھیشیک بچن کی کورونا وائرس سے متاثر ہونے کی خبر کے بعد بی جے پی کے قومی ترجمان سید شاہنواز حسین نے ایک ویڈیو میسیج کے ذریعہ اداکار کی صحتیابی کی دعا کی ہے۔

بی جے پی ترجمان نے کہا ہے کہ عظیم اداکار کے ساتھ پورے ملک کے لوگوں کی دعائیں ہیں اور وہ بہت جلد کورونا وائرس سے جنگ جیت کر اسپتال سے لوٹیں گے۔

واضح ہو کہ کورونا ٹیسٹ میں مثبت پائے جانے کے بعد ہفتہ کے روز امیتابھ بچن کو ناناوتی اسپتال میں داخل کرایا گیا تھا، جس کی امیتابھ بچن نے خود ٹوئٹ کر کے اطلاع دی ہے۔

وہیں ابھیشیک بچن نے بھی ٹویٹ کر کے بتایا کہ ان کی بھی کورونا ٹیسٹ رپورٹ منفی آئی ہے۔

تہتر (73) سالہ امیتابھ نے ٹوئٹ میں لکھا کہ میری جانچ پازیٹیو آئی ہے اور اسپتال میں داخل کرایا گیا ہے۔ کنبے اور ملازمین کی بھی جانچ کی گئی ہے جن کی رپورٹ آنا باقی ہے۔

انہوں نے کہا کہ گزشتہ 10 دنوں سے میرے رابطے میں آنے والے سبھی لوگوں سے درخواست کرتا ہوں کہ برائے مہربانی وہ خود کی کورونا جانچ کرالیں۔