ریاست اتراکھنڈ کے ضلع الموڑہ کی انتظامیہ نے کاسر دیوی علاقے میں گھروں میں ٹھہرانے والے مالکان کے خلاف کارروائی کی ہے۔
آپ کو بتا دیں کہ لاک ڈاؤن میں الموڑہ کاسر دیوی علاقے میں سیاحت کے لیے درجنوں غیر ملکی سیاح یہاں کے مختلف گھروں میں اب بھی ٹھہرے ہوئے ہیں۔
ذرائع کے مطابق بہت سے مالکان نے انتظامیہ سے اس معلومات کو چھپائی ہیں جس کے سبب انتظامیہ نے 2 مالکان پر 10-10 ہزار روپے کا جرمانہ عائد کیا ہے اور متعدد ہوم اسٹے مالکان کو نوٹس دیا ہے۔
الموڑہ ٹورزم آفیسر راہول چوبی نے بتا یا کہ یہاں 70 سے زیادہ غیر ملکی مقیم ہیں۔ کچھ مالکان نے فارم-سی پُر کیا ہے لیکن سیاحوں کو اپنے اندراج میں نہیں دکھایا ہے۔ جس کے سبب دو مالکان پر چالان کیا گیا ہے۔
واضح رہے کہ اتراکھنڈ کے پہاڑی علاقوں میں کورونا وائرس کا اثر نہیں ہے جس کی وجہ سے سیاح خود کو یہاں محفوظ سمجھ رہے ہیں۔ جبکہ کچھ غیر ملکی سیاح لاک ڈاؤن سے قبل اپنے گھروں کو جا چکے ہیں لیکن اب بھی یہاں تقریبا 70 غیر ملکی سیاح مقیم ہیں۔
