مدھیہ پردیش کے دارالحکومت بھوپال کی تنظیم سرو دھرم سد بھاونا منچ کے زیر اہتمام آج راکھی کا تہوار قومی یکجہتی کی مثال پیش کرتے ہوئے منایا گیا۔ آج اس پروگرام میں سبھی مذہب کے مذہبی رہنماؤں کے ساتھ دیگر لوگوں نے بھی شرکت کی اور ایک دوسرے کو راکھی کی مبارکباد پیش کی۔
یہ بھی پڑھیں: بھوپال میں خون عطیہ کیمپ کا انعقاد
اس موقع پر مذہبی رہنماؤں نے بتایا کہ راکھی کا تہوار بھارتی تہذیب سے جڑا ہوا تہوار ہے نہ کہ کسی مذہب سے, چونکہ ہمارے سامنے راکھی سے متعلق ایسی متعدد مثالیں ہیں جس میں بادشاہ جہانگیر کو جہاں راکھی باندھی جاتی تھی تو وہی بھوپال کی رانی کملا پتی نے بھی نواب دوست محمد خان کو راکھی باندھ کر بھارتی تہذیب کو زندہ زندہ رکھا۔ اس لئے آج کے پروگرام میں ہندو مسلم بہنوں نے اپنے بھائیوں کی ہاتھوں پر راکھیں باندھ کر اپنی حفاظت کی ذمہ داری کا وعدہ اپنے بھائیوں سے لیا۔
