مدھیہ پردیش میں کورونا وائرس کے مد نظر جس طرح سے لاک ڈاؤن نافذ کیا گیا ہے ریاست کے غریب و مزدور طبقہ کو کافی پریشانیوں کا سامنا کرنا پڑرہا ہے۔
اسی کے مد نظر ریاستی وقف بورڈ کی جانب سے ضلع کمیٹیوں کو کہا گیا ہے کہ ضلع وقف کمیٹیوں کو جو بھی امداد حاصل ہورہی ہیں اس رقوم کو ضرورتمندوں کو کھانا کھلانے اور انھیں ضروری اشیأ فراہم کرنے پر صرف کی جائے۔
اس موقع پر وقف بورڈ کے ایڈمنسٹریٹر نثار احمد خان نے کہا کہ جس طرح سے لاک ڈاؤن نافذ کیا گیا ہے اس سے غریب و مزدور طبقہ پریشان ہےان کے سامنے روٹی کی پریشانی کھڑی ہوگئی ہے اس لیے وقف بورڈ یہ فیصلہ لیا ہے، جو وقف کمیٹیاں مالی طور پر مضبوط ہیں ان کو آرڈر جاری کیا گیا ہے کہ سب کام کاج چھوڑ کر پہلے ضرورتمندوں کو اشیائے ضروریہ فراہم کرنے کا کام کریں۔
واضح رہے کہ مدھیہ پردیش وقف بورڈ میں پندرہ سو ایسی کمیٹیاں ہیں جو مالی طور پر بہت مضبوط ہیں اور کئی کمیٹیوں نے امدادی کاموں کا آغاز بھی کردیا ہے۔
