سرکاری اطلاعات کے مطابق مدھیہ پردیش ریاستی حج کمیٹی کی طرف سے حج۔2020 کیلئے درخواست کنندگان کو سیٹوں کی تقسیم کے لیے تاج المساجد میں کمپیوٹرائزڈ لاٹری (قرعہ اندازی) کا پروگرام منعقد کیا جا چکا ہے۔ریاست کے 52 اضلاع میں ضلع وار طریقے سے 12598 درخواست دہندگان کے درمیان 4154 حج نشستوں کیلئے قرعہ اندازی ہوئی۔ باقی 8444 حج درخواست دہندگان کی ویٹنگ لسٹ کمپیوٹرائزڈ قرعہ اندازی کے توسط سے بنائی گئی ہے۔
حج کے لئے منتخب درخواست دہندگان کو اس کی اطلاع ایس ایم ایس کے ذریعہ دی جا رہی ہے۔ منتخب درخواست دہندگان کو 15 فروری تک حج فیس کی پہلی قسط کے طور پر 81 ہزار روپے فی درخواست گزار خصوصی طور پر پے اِن۔ سلپ کے ذریعے اسٹیٹ بینک آف انڈیا یا یونین بینک میں جمع کرنی ہوگی۔
