اڑیسہ:بجلی تار کے زد میں آنے سے بس میں شدید آتشزدگی، کئی ہلاک

ضلع برہمپور سے گزرتی ایک بس 11 ہزارکلوواٹ بجلی کے تار سے ٹکراگئی، جس میں تقریبا 9 لوگوں کے ہلاک ہونےاور40 لوگوں کےزخمی ہونے کی اطلاع ہے۔ اس حادثہ پرشدید رنج وغم کا اظہارکرتے ہوئے وزیر اعلی نوین پٹنایک نے تمام ہلاک شدگان کے اہل خانہ کو دودو لاکھ رو پے بطورمعاوضہ دینے اور تمام زخمیوں کومفت علاج فراہم کرانے کا حکم دیا ہے۔

ریاست اڑیسہ کے ضلع برہمپور کی ایک گنجان آبادی سے گزرتی بس 11 ہزار کلو داٹ کےبجلی تار سے ٹکراگئی۔

بجلی تار کے زد میں آنے سے بس میں شدید آتش زدگی، کئی ہلاک

اس حادثہ کے سبب بس میں آگ لگ گئی، کرنٹ اور آگ کی زد میں آنے سے تقریبا 9 مسافروں کے ہلاک ہونے کی اطلاع ہے۔

وہیں تقریبا اس حادثہ میں 40 لوگوں کے زخمی ہونے کی اطلاع ہے۔
جنہیں ضلع کے 'ایم کے سی جے' ہسپتال میں داخل کرایا گیا ہے۔

اس شدید حادثہ پر رنج وغم کا اظہار کرتے ہوئے وزیراعلی نوین پٹنایک نے ہلاک شدگان کے اہل خانہ کو دو دو لاکھ روپے معاوضہ دینے اور تمام زخمی افراد کو مفت علاج فراہم کرانے کا اعلان کیا ہے۔