احتجاج کر رہے بس ڈرائیور و کنڈیکٹر کو پولیس نے ہراست میں لیا

بنگلور میں کے ایس آر ٹی ای، و بی ایم ٹی سی بس ہڑتال کا آج چھٹا دن ہے، گزشتہ 5 دنوں سے بس ملازمین کا خاموش احتجاج جاری رہا لیکن آج وہ سڑک پر اتر کر پر امن طریقے سے احتجاج کر رہے تبھی بس ڈرائیور و کنڈیکٹر کو پولیس نے ہراست میں لیا۔

گرفتاری کے دوران بس اہلکاروں نے کہا کہ' ہمارے پر امن احتجاج کو دبانے کے لیے بی جے پی حکومت سرکاری مشینری کے ذریعے زیادتی زیادتی پر اتر آئی ہے'۔

بنگلور ڈپٹی کمشنر کے روبرو جمع ہوئے کئی بس اہلکاروں کو پولیس نے احتجاج کرنے سے روکا، حالانکہ ایک خاتون نے پولیس سے منتیں کی کہ ہم صرف ڈی سی کو میمورنڈم سوپنے آئے ہیں لیکن پولیس نے بے رحمی اک ثبوت دیتے ہوئے خاتوں کو گھسیٹ کر گرفتار کرلیا۔

احتجاج کر رہے بس ڈرائیور و کنڈیکٹر کو پولیس نے ہراست میں لیا

آپ کو بتادیں کہ ایس آر ٹی سی و بی ایم ٹی سی کے اہلکاروں کی حکومت سے مطالبہ ہے کہ انہیں "6تھ پے کمیشن" کے مطابق تنخواہیں دی جاییں، لیکن حکومت اسے کسی بھی قیمت پر ماننے کو تیار نہیں ہے۔ اس احتجاج و بس اہلکاروں کی مانگ کے متعلق حکومت کی بے حسی کے نتیجے میں عوام کو بڑی پریشانیوں کا سامنا کرنا پڑ رہا ہے۔