ریاست اتر پردیش کے ضلع بریلی میں پولیس نے شہر کے ہائی پروفائل قتل کا انکشاف کرتے ہوئے دو ملزمین کو گرفتار کیا ہے۔
مرکزی حکومت میں ریاستی وزیر سنتوش گنگوار کے نزدیکی دوست اور بی جے پی دفتر کے انچارج سُریندر روہتگی کے بھتیجے کو گودام میں قتل کر دیا تھا۔
گذشتہ روز وہ اپنے گھر سے گودام پر سریا، سیمنٹ اور ہارڈ ویئر سے بھرا ٹرک خالی کرانے اپنے گودام آئے تھے۔
کافی رات ہونے کی صورت میں اُنکی اہلیہ نے فون کیا تو اُنہوں نے گودام پر زیادہ کام ہونے کا حوالہ دیتے ہوئے گودام میں بنے کمرے میں سونے کی ارادہ ظاہر کیا تھا۔
آدھی رات کے بعد اہلیہ نے دوبارہ فون کیا تو فون بند آنے لگا۔ 8 اکتوبر کی صبح جب گھر کا نوکر اُنہیں تلاش کرتے ہوئے گودام پر پہنچا تو دروازہ اندر سے بند تھا۔
تبھی ایک نوکر دیوار کودکر گودام کے اندر گیا تو وہاں سدھارتھ روہتگی کی لاش پڑی تھی اور چاروں طرف خون تھا۔
سیاسی خاندان اور بڑے تاجر کے قتل کی اطلاع پر تمام لوگ موقع واردات پر جمع ہو گئے، اور پولیس کے اعلیٰ افسران بھی پہنچ گئے۔
پولیس نے فوراً گودام اور اطراف کے مکانوں پر نصب سی سی ٹی وی کے فُٹیج برآمد کئے اور تمام لوگوں کو فُٹیج میں قید ملزمان کی شناخت کی کوشش کی۔
کچھ مقامی لوگوں نے ملزمان کی شناخت کر لی اور پولیس کو نام پوشیدہ رکھنے کی شرط پر دونوں ملزمان کا نام اور پتہ بتا دیا۔
مزید پڑھیں: بے قابو کار دسہرہ میلے میں گھس گئی، ایک ہلاک
اسکے بعد پولیس نے قتل کے دونوں ملزمان کو گرفتار کرکے شہر کے ہائی پروفائل قتل کا انکشاف کیا۔
ان ملزمان میں سے ایک ملزم مقتول سے بخوبی متعارف تھا، پولیس نے دونوں ملزمان سے لوٹی ہوئ رقم بھی برآمد کر لیا ہے۔
پولیس نے دونوں ملزمان کی نشاندہی پر تاجر سے لوٹے گئے چالیس ہزار روپے بھی برآمد کر لئے ہیں۔
